Ngjarjet e vitit

Cikli i Eskursioneve

Festat e nentorit

Festa e Vitit te Ri

Përgatiti: Manjola Driza

Cikli i ekskursioneve

Gjatë vitit shkollor 2007-2008, një sërë ekskursionesh mësimore në qytete të ndryshme të Shqipërisë, kanë pasur rëndësinë e tyre në plotësimin e njohurive të ndryshme historike, kulturore, biologjike etj., për nxënësit e ciklit 9-vjeçar.

Ajo çka nxënësit kanë lexuar e mësuar gjatë orëve të mësimit, është konkretizuar në ekskursione në qytetin e Shkodrës, Apoloni, Lagunën e Karavastasë etj.

Kalaja e Shkodrës ka qenë një nga ndalesat më të rëndësishme, ku dukej se nxënësit ndjenë veten pjesë të një legjende, asaj të Rozafës. Madje kërkonin gurin prej nga rrjedh, sipas legjendës, qumështi i gjirit të saj. Edhe vetë qyteti i Shkodrës kishte shumë për të zbuluar.

Një vend tjetër historik, jo pak i rëndësishëm, ishte edhe Apolonia. Muzeu që nxënësit vizitua atje u ofroi të shihnin më nga afër shumë enë,....... të periudhave të vjetra, që tregonin lashtësinë e popullit tonë.

Jo vetëm historia por edhe flora dhe fauna shqiptare, prania e gjallesave dhe bimëve të rralla në Shqipëri kanë qenë pjesë e

ciklit të ekskursioneve të zhvilluara. E tillë ka qenë vizita në Lagunën e Karavastasë.

Gjatë këtyre ekskursioneve aparatet fotografike kanë kapur vërtet imazhe fantastike, duke kryer edhe një detyrë jashtëmësimore, por shumë të rëndësishme për nxënësit, përzgjedhjen. Këto ekskursione kanë bërë që vetë nxënësit të kuptojnë rëndësinë e atyre që shohin dhe të zgjedhin të duhurën, atë që i duhet për njohuritë e tij.