ShErbimet pEr nxenesit

BIBLIOTEKA

Në mjediset e bibliotekës së Institutit nxënësit kanë mundësi të kalojnë kohën e lirë e të shtojnë informacionin e tyre për të gjitha fushat e dijes . Biblioteka ofron libra të ndryshëm me autorë shqiptar, dhe të huaj. Librat janë në gjuhë të huaj si anglisht dhe italisht. Nëpërmjet leximit të veprave artistike e shkencore, navigimit në internet dhe pamjeve të ndryshme, ata aftësohen dhe nxisin idetë. Biblioteka është një vend i këndshëm dhe mjaft i parapëlqyer për të gjithë nxënësit.

SHËRBIMI PSIKOLOGJIK- MJEKËSOR

Pranë Institutit janë krijuar kushtet për një përkujdesje të vazhdueshme mjekësore dhe psikologjike. Psikologia dhe mjekja tregojnë kujdes të veçantë për sigurimin e të gjitha kushteve higjeno – sanitare të nevojshme për zhvillimin e shëndetshëm fizik e mendor të nxënësve të Institutit. Këshillimi me psikologen e shkollës është një mënyrë për të ndihmuar adoleshentët në kapërcimin e sfidave të moshës dhe për komunikimin dhe sjelljen në komunitet.

MENSA

Ne një mjedis të lirshëm, të sistemuar dhe komod për nxënësit, mensa u ofron atyre shërbim të shpejtë dhe të pastër brenda standardeve. Brenda mensës ndodhet kuzhina ku përgatitet çdo ditë prej kuzhiniereve të diplomuara ushqim i larmishëm e nën kontrollin e mjekut. Gjithçka brenda mensës plotëson standardet për ushqim të mirë dhe të shëndetshëm.

KONVIKTI

Instituti ynë siguron qëndrimin e fëmijëve tuaj në mjediset e konviktit të shkollës. Në këto mjedise do të gjeni dhoma të mobiluara në stil funksional. Në çdo dhome ka dy shtretër, frigorifer, tavolinë studimi si dhe mobiljet e nevojshme për akomodim të mirë. Konvikti është i pajisur me dhomën e ndenjes dhe të televizorit ku fëmijët të kenë mundësi të kalojnë kohën e lirë.

Shkolla e verës

Pas përfundimit të vitit shkollor Instituti organizon për shumë nxënës shkollën e verës. Në të nxënësit, të drejtuar nga mësuesit, zhvillojnë sipas një kurrikuli bashkëkohor veprimtari formuese, artistike-sportive dhe argëtuese. Në shërbim të nxënësve vihen të gjithë kapacitete e Institutit si pishina, salla e kompjuterit, biblioteka dhe kinoteatri. Nxënësit marrin 3 vakte ushqim mensën tonë. Në këtë shkollë kanë marrë pjesë çdo vit shumë fëmijë nga diasporë, të cilët kalojnë në Shqipëri pushimet e verës. 

LAVANTERIA

Fasilitetet dhe personeli sigurojnë higjienën e duhur për një mjedis të pastër. Personeli i lavanterisë është gjithmonë i gatshëm për të ofruar ndihmën e tij edhe për problemet e vogla që mund të ndodhin gjatë procesit mësimor.

KINOTEATRI

Kinoteatri i Institutit plotëson të gjitha parametrat e duhur teknik për organizimin e spektakleve të ndryshëm dhe për shfaqjen të filmave artistikë, dokumentarëve të ndryshëm, informacioneve shtesë etj. Me kapacitet prej 300 vendesh kinoteatri është kthyer në skenën më të dashur të fëmijëve, ku ata shpalosin aftësitë dhe prirjet artistike. Kinoteatri lejon organizimin e seminareve apo konferencave profesionale të ekipit pedagogjik.