Në Institut ekziston baza materiale didaktike e cila i shërben konkretizimit të njohurive teorike në praktikë. Në institut janë këto laboratore: Laboratori i kimisë, Laboratori i fizikës, laboratori i biologjisë dhe Laboratori i informatikës.

Laboratori i kimisë

Laboratori i kimisë ka një bazë didaktike që i shërben konkretizimit të mësimeve që zhvillohen nga klasa e VII-XII. Në laborator janë të gjitha mjetet dhe preparatet për konkretizimin e të gjithë programit të kimisë. Aty zhvillohn jo vetëm orë mësimi, por edhe punë laboratori e detyra eksperimentale. Këto organizohen ose duke punuar me grupe të vogla nxënësish ose edhe individualisht. Laboratori është praktik dhe funksional. Ai është një ndër më të mirët në mos më i miri në vendin tonë.

Laboratori i fizikës

Në laboratorin e fizikës ekziston baza materiale që i shërben konkretizimit të proceseve dinamike, kinematike, lëvizjeve rrotulluese, për studimin e gjëndjes së lëndës, për dukuritë e elektricitetit, për nxehtësinë etj. Në laborator zhvillohen pothuajse të gjitha punët e vitit parë, dhe një pjesë e madhe e punëve laboratorike të vitit dytë, tretë e të katërt.

Laboratori i biologjisë

Në laboratorin e biologjisë ka një bazë didaktike për konkretizimin e të gjithë programit mësimor që zhvillohet nga klasa e V-XII. Në laborator ka preparate likuide, mikroskop, televizor për video, harta të ndryshme për bimët, kafshët dhe njeriun, herbar bimësh etj. Në laborator nxënësit konkretizojnë njohuritë, që marrin në tekste, në praktikë duke vepruar individualisht ose me grupe.