Ngjarjet e vitit

Cikli i Eskursioneve

Festat e nentorit

Festa e Vitit te Ri

Festat e nëntorit

Në kuadrin e festave të 28-29 Nëntorit, në mjediset e Institutit Arsimor “Wilson” u zhvilluan veprimtari ku nxënësit patën mundësi të afirmonin vlerat e tyre krijuese e interpretuese.

Sipari u hap me javën e folkut shqiptar, një nismë kjo e ndërmarrë nga departamenti i letërsisë në bashkëpunim me nxënësit e 9-vjeçares. Për pesë dite me rradhë nxënës, prindër, mësues e të ftuar të tjerë, shijuan finesën e traditës shqiptare nëpërmjet projekteve të nxënësve të prezantuara në mjediset e institutit. Një dekor i larmishëm me veshje, stoli, mjete e gatime tradicionale si dhe antologji me krijime folklorike.

Finalizim i kësaj atmosfere festive për nder të këtyre dy festave të shënuara të historisë sonë, do të ishte shfaqja e organizuar nga nxënësit e institutit, në mjediset e kinoteatrit. Pas shpalljes së fituesve të projekteve, emocionet e skenës do t’i provonin nxënës që afirmuan talentin tyre në fushën e muzikës, dancit e interpretimeve të kolazheve poetike. Ndërthurja e evokimit te së kaluarës historike me këndvështrimin e brezit te ri per te ardhmen e atdheut, e sollën ndjenjën patriotike ne dimensione te reja.

Gjithpërfshirja në këto veprimtari ritheksoi dhe një herë pontencialin e vlerave te nxënësve te këtij instituti , që jo vetëm i reflekton, por dhe që përpiqet t’i shfaqë ne mënyrë dinjitoze ato.