Ngjarjet e vitit

Cikli i Eskursioneve

Festat e nentorit

Festa e Vitit te Ri

Përgatiti: Suela Shala - mësuese

Festat e 7- 8 marsit

“Ata që kujdesen për edukimin e fëmijëve bëjnë punën e Hyjnive!”

Kështu thotë një fjalë e thesarit të urtisë. “7- 8 marsi” në të vërtetë është kthyer në një traditë të të bukur që ndiqet çdo vit. Nxënësit urojnë mësuesit e tyre duke u dhuruar bashkë me lulet, respektin e mirënjohjen për punën e tyre fisnike. Dhe kjo ka ndodhur gjithmonë. Por… ajo që e bëri të veçantë 7- 8 marsin e sivjetshëm në Wilson ishte pasqyrimi i punës me projekte nga nxënësit. Kjo ishte dhurata më e bukur e festës për mësuesit. Pjesë e traditës, gjithashtu, është dhe shfaqja e nxënësve me rastin e festës, por si gjithçka këtë vit edhe ajo ishte ndryshe. Mes këngëve e valleve, poetikës që shprehte dashurinë e mirënjohjen që nxënësit me shumë bujari shpalosën si artistë të vërtetë, erdhi një përshëndetje e çuditëshme dhe emocionuese. Faleminderimi që mësueset e letërsisë bënë përmes vargjeve në etydin “ Faleminderit! ” drejtuar nxënësve, burimit të frymëzimit të tyre. Gjithashtu tingujt e Shqipërisë së mesme me të cilët mësuesja e muzikës përshëndeti publikun, bënë një shfaqje ndryshe nga të tjerat ku mësues e nxënës gëzonin sëbashku. Kështu përcollën mesazhin e bashkëpunimit. Çdo ditë u predikojmë dijet këtyre fëmijëve me gjuhën e dashurisë. Ky është sekreti ynë. Nëse treni i jetës do t’i ndalojë nëpër stacione të turbullta do t’u kujtohet që duhet t’i falin shumë dashuri kësaj bote për ta bërë më të mirë.Kështu me vendosmërinë e dijes, guximin e së vërtetës dhe filozofinë e urtë të mësuesve, ata do të aftësohen për të çarë udhën e jetës.

Ndaj sot jam e qetë, sepse ky është “ misioni” im: “ T’i aftësoj për jetën!”. Provoje i dashur koleg “çelësin e sekretit” tonë dhe do të gjesh një mik të ri që do të bëjë dhe ty të ndihesh më i ri e më pranë kohës së ndryshimeve.

Një fjalë e urtë thotë: “ Kurrë mos thuaj kurrë!” sepse… asnjëherë s’është vonë për të ndryshuar.