Kombinojmë kurrikulin akademik të shek. 21 me etikën dhe vlerat tradicionale

Nxënësit zgjedhin Institutin tonë pasi ata duan të sfidohen në aspektet akademike, fizike, artistike dhe emocionale. Instituti është qendër edukative moderne, që ofron shërbim arsimor cilësor, efektiv dhe efiçent fëmijëve parashkollorë, nxënësve të ciklit 9-vjeçar dhe studentëve adoleshentë të grup moshës 15-18 vjeç.

Zhvillimi i parashkollorëve realizohet në disa mjedise që janë përshtatur për të konkretizuar filozofinë e edukimit “Hap pas hapi”. Arsenali didaktik, i sistemuar në mjedise elegante, lejon krijimin e qendrave të interesit, ku fëmijët lozin e veprojnë sipas parapëlqimeve dhe kapaciteteve vetjake.

Arsimi 9-vjeçar sigurohet në godinën 4-katshe, vendosur mes bibliotekës, amfiteatrit dhe mjediseve për edukim fizik. Amfiteatri, me kapacitet prej 300 vendesh, siguron kushte për veprimtari artistike dhe promovuese. Ai ka të gjithë aksesorët për aktrim, ndriçim dhe projektim. Në funksion të edukimit fizik janë mjediset e kampusit: fushat e basketbollit, e volejbollit, e tenisit dhe e minifutbollit. Nuk e teproj kur them se këto mjedise kanë përmasat e standardeve olimpike dhe teknologjia e përdorur për ndërtimin e tyre është e fjalës së fundit.

Arsimi i mesëm u ofrohet studentëve në mjedise komode të pjesës kryesore të Instituti. Mjediset, me klasa për deri 20 nxënës, janë të organizuara sipas një koncepti që mundëson mësimdhënie dhe nxënie moderne.

Në Institutin “Wilson” zhvillohen veprimtari jashtë mësimore, të drejtuara nga specialistët më të mirë. Në këtë institut gjenden mjediset e duhura, të pajisura me të gjitha komoditet për zhvillimin e këtyre veprimtarive, të tillë: pishina, salle  shfaqje. kinema, palestër,fushe sportive,etj. Mjediset e Institutit janë te sigurta, te pastra e të gjelbëruara me peme dhe lule.

Ne ju ftojmë të eksploroni përvojën e Institutit tonë.