BURSAT

Bursa që ofron Instituti ynë njeh dhe shpërblen përsosmërinë shkencore, përgjegjshmërinë qytetare dhe aftësitë drejtuese. Bursat akordohen për të rinj të talentuar që, pasi përfundojnë shkollën 9-vjeçare, dëshirojnë të vijojnë shkollën e mesme. Bursa, që përfshin shpenzimet për të ndjekur Institutin Arsimor “Wilson”, u ofrohen nxënësve të cilët:

•          Kanë përfunduar në vitin vijues arsimin bazë në Republikën e Shqipërisë ose në viset shqiptare përtej kufirit;

•          Plotësojnë kriteret e konkurrimit për fitimin e burës.

Procesi i fitimit të bursës

Për të fituar të drejtën e bursës të gjithë kandidatët duhet të plotësojnë kërkesat e përgjithshme të pranimit në Institut Arsimor “Wilson”. Përveç tyre, secili kandidat duhet të përgatisë një ese në gjuhën shqipe ( 45 minuta) dhe një test matematike (45 minuta). Ata duhet të paraqesin 2 letra rekomanduese nga drejtuesit e shkollës dhe nga persona që i njohin ata personalisht dhe familjarisht me të cilët nuk duhet të kenë lidhje gjaku. Referencat, të mbyllura në zarf, bashkohen me dokumentet e tjera që nxënësi ka përgatitur dhe i postohen drejtpërdrejt Institutit. Bursa ofrohet për 1 (një) vit, me të drejtë ripërsëritjeje për të gjithë vitet e shkollimit në shkollën e mesme në Institut, për ata nxënës që arrijnë rezultate të shkëlqyera dhe kontribut të vlerësuar qytetar në komunitetin e Institutit.