“Zbutja e kryeneçes” – Shekspir

Fundi i vitit shkollor ofroi diçka të veçantë për nxënësit, mësuesit dhe prindërit. U realizua me shumë përkushtim vënia në skenë e njërës prej komedive të Shekspirit “Zbutja e kryeneçes”.

“Dikur qëndronte një burrë me lirë në Stradford. Të gjithë ndaleshin të mahnitur para tij. Unë doja të bëhesha si ai.”

Realizmi, i konceptuar nën simbolin “Të qeshim pa maska”, solli fjalët e të madhërishmit mjeshtër - Shekspir - personazhet tronditës e qesharak të të cilit ngelen të paharrueshme.

Pas një pune të lodhshme dhe përkushtuese, por edhe të bukur nxënësit e klasave të shtata dhe të teta sollën emocione të papërsëritshme për të gjithë ata që panë se si edhe pse aq të vegjël ata mundën të sillnin vërtet diçka të madhe: Shekspirin.

Dukej se fillimi qe shumë emocionues për ta, por kur duartrokitjet ndiqnin njëra-tjetrën, të qeshurat dhe vështrimi i ngulitur i bashkëmoshatarëve të tyre, aktorët e vegjël sollën vërtet një realizim të arrirë.

Kjo shfaqje i hapi rrugën idesë se realizimi i pjesëve të tilla mund të bëhet fare mirë traditë sepse këta nxënës arrijnë të bëjnë realizime të tilla.