Ne në Institut besojmë se artet nxitin krijimtarinë, shprehjen e asaj që ke përbrenda dhe punën në grup. Artet i ndihmojnë nxënësit të përjetojnë një ide, ta shohin një proces kompleks në realitet. Ato u mësojnë durimin, përuljen dhe besim tek vetja. Artet pasurojnë imagjinatën dhe sfidojnë mendjen, sigurojnë balancë dhe baraspeshë, krijojnë kulturë dhe qytetërojnë shoqërinë. Futu në kohën e provave të grupit artistik dhe aty mund të dëgjosh korin apo veglat duke luajtur bashkë, ose mund të shikosh aktorë e valltarë tek bëjnë prova. Eksploro studion e arteve vizuale dhe aty do të shikosh nxënësit që merren me vizatim, pikturë, skulpturë dhe dizenjim arkitekturor. Kënaquni me rezultatet e procesit artistik në shfaqjet publike tek amfiteatri apo në ekspozitat e ndryshme. Merr pjesë tek asambleja dhe aty mund të dëgjosh një pianist, një këngëtar apo një kitarist duke performuar krijimin e tij, ose shiko një video të shkruar, filmuar dhe redaktuar nga nxënësit. Të gjithë wilsonasit përfshihen në procesin e krijimit edhe si pjesëmarrës edhe si publik. Mundësitë janë për të gjithë, si për fillestarët që dëshirojnë të provojnë artet vizuale, ashtu edhe për ata që duan të specializohen.